| "Golgota" deur W.E.G. LOUW [boodskap #8906] |
Do, 27 Maart 1997 00:00 |
Izak Bouwer
Boodskappe: 464
Geregistreer: Januarie 1996
Karma: 0
|
Senior Lid |
|
|
Golgota
W.E.G.Louw
Met rooi, gewonde voete en die pyn
van dorings wat Sy hoof in spot omsluit,
het Hy - gelaaf met mirre en bitter wyn -
teen Golgota Sy droewe gang gestuit.
Soldate het Sy klere uitgetrek
en luid getwis oor kleed en lendedoek;
Sy naakte liggaam het hul oopgevlek
oor stam en balk en dit met smaad vervloek.
Die wrede spykers word deur vlees en been
met felle slae ingejaag: Sy hande,
verstrak in laaste, goddelike seën,
het Hy wyd uitgebrei oor alle lande...
Die vroue roep in duisternis en treur...
Die aarde beef... Die tempelvoorhang skeur.
(gepos deur gloudina bouwer)
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
